ماريا ... سندريلا – الجزء الثاني والأخير

السلام عليكم ...

مثل ما وعدتكم ، راح أكمل وياكم ستوري ماريا البوكير ...

وحق اللي ما قرأ الجزء الأول .. ظغطوا هني

أرجع معاكم من بداية الجزء الأول لما كنت اتجاذب أطراف الحديث آنا
واختي ... حيث كان حوارنا كالآتي:

آنا: الحين ماريا سافرت!! .. سكت لبرهه وبعدين استرسلت .. من باجر ابتبتدي الفظايح تطلع

أختي خزتني بصمت تحاول تستشف من خلالي منبع دوافع كلامي

علّقت إختي شوي وهي تخزني .. وفجأه بعدها بخمس دقايق تسأل: هل كيف؟ إختي دارسة بأمريكا فلغتها العربية ظعيفة شوي

كلنا لغتنا العربية ظعيفة ما نتكلم الا كويتي أو امريكي بسWe Are So Nice to People آنا:

وبعدين عن تجربه عقب كل مساعد منزلي يطلع من بيتنا يحوش باجي الستاف حكه ماتروح الا بعد ما يفتنون ..

(ملاحظه: الكلمات المستخدمة أعلاه مثل مساعد منزلي وستاف مو تفلسف ولاكن هي للمساهمة في تعزيز رفع نتائج تقرير حقوق الانسان الخاص بالكويت والذي اشير إليه مؤخرا بأنه ظعيف)

ويدور على كلمتي 24 ساعة فقط ...

اتييني ليزا بغرفتي المغرب (المساعدة المنزلية الأخرى) وآنا في خظم اندماجي (ما عندي سالفة هالايام كله اتصنع الاندماج أحس شكلي أحلى)

وكانت متعومسه فيها حكي .. ويهّا ينقط حكي .. جان تقول ..

ليزا: مياو ينام عندي بالغرفة.. آنا أخليه ينام عندي بس ماريا لأ (مياو واحد من قطاوتي)

آنا: لا؟ اوكي .. إنتي تمام .. ماريا مو تمام ... (هاهاها دقيتها سلف)

ليزا: آي لايك كليننج يور كمبيوتر وذ فاكيوم .. ماريا يوز تاول .. تاول نوت قود

آنا: لا؟ اي تاول نوت قود .. يو آر قود (بديت استفزها .. اهي ودها تسمعني اطب في ماريا بس هالمره طبيت في الفوطه)

ليزا: يو نو؟ ماريا دد نوت ألاو مي تو كوم هيلب هير كليننج اب ستيرز .. شي أولويز تل مي دو يور وورك اند ليت مي دو ماي ورك

آي نو هاو تو دو وورك لايك هير اند ميبي بيتر .. آي نو هاو تو كووك .. بت شي تولد مي نوت تو تيل يو .. وخنقتها العبرة وسكتت

أيا الملاعين .. يعرفون شنو أحب .. الكمبيوتر والأكل

هاذيك كله تسألني اشرايي بالأكل وشنو أبي آكل وتكلمني عن الكمبيوتر واشلون اهي ودها تتعلم

وهذي الله وكيلكم شفطت كل الفايروسات من كمبيوتري في فاكيومها على بو انها بتتحيلق لي ابتنظيفه

المهم قمت آنا وبناءا على مبادرتها بالشكوى وسألتها

آنا: واي؟ واي يو كراي؟

ليزا: يو نو؟ ماريا ليفت وذ آوت تيلج مي قود باي .. شي إز جيلس .. شي دونت ألاو أس تو توك تو راكيش

راكيش إز ماي نيبر .. وي بلي توقيذر (ها؟ اي نوع من البلينج؟) عادي طوفت

وي أول لايك راكيش بيفور .. بت ناو شي رويند هز فيوجر ..

وقامت تزووع سوالف ..

الشاهد يا جماعة انه تأكد لي ان هالملاعين لاعبين فينا طمباخية .. واحنا ياغافلين لكم الله

أسولف لكم بالكويتي الفصيح واعلمكم بالتالي:

1 يوم يدعم راكيش بسيارة أختي .. كان لحظتها ذايب مع ماريا بالتلفون .. والظاهر انها قالت له آي لوف يو

جان يدش الحلو بالمخبز الدنيماركي اللي باليرموك .. أوجه إعتذارنا لأم راكان

2 ماريا كانت تكوكه على أختي علشان يتمرد وتطرده أختي ويروح يشوف له شغله ثانية بشركة .. وصار اللي خططت له ماريا

3 راكيش يتيم ويرعى أخت وأخو بالهند .. وأهله هناك ما عندهم خبر إنه تزوج ومن تزوج ماريا بطل يطرش حق اهله فلوس مثل أول

4 راكيش من عائلة معروفه .. وماريا من عائلة غير معروفه (عندهم هالسوالف الملاعين أصيل ومو أصيل)

فلذلك كل الستاف اللي في بيتنا زعلانين على راكيش لأن ماريا مو من مواخيذهم

5 لما ماريا سوت لنا فلم هندي تبي تسافر لأن اهلها بلغوها بالفاكس انهم بيسوون عملية في راس بنتها .. كانت تقص علينا ..

كانت رايحه ترفع قظية طلاق على زوجها السابق .. واهم في ديانتهم الحرمه ماتتزوج مره ثانية أو تتطلق الا لسببين ..

الاول انه يموت .. والثاني انه يبول بالفراش .. وماريا زوجها كان مينون ويبول بالفراش

وأخيرا ماريا راح ترجع بوظيفة يديده مادري وين بشهر خمسه 2008

...

ياجماعة .. سوالف وايد عرفتها .. آنا أدري ان اللي قلته شي عادي ومو غريب قاعد يصير في وايد بيوت

بس اللي حارني تدرون شنو؟

الوالد واشلون تظايق لما عرف انها بتسافر مع انه كان يني وعطبه وياها .. صج القطو ما يحب إلا خناقه

ناداني ليلة اللي عرف انها بتسافر وسألني ليش ماريا بتروح .. احد بالبيت مظايقها؟

الوالده وخواتي اشلون زعلوا عليها .. حتى ولد أختي الصغير صاح لما راحت تسلم عليه

اشلون آزرناها ووقفنا يمها وكشخنا حق الكنيسه يوم عرسها ..

التعب اللي تعبناه من الوقفة والقعدة لما كان القسيس بالمحكمه يقرا معوذاتهم وطقوسهم ..

حتى اتذكر كنا نلخبط لما اهم يوقفون احنا نقعد ولما يقعدون نوقف ليش ماندري شيرطن

يريش (واحد من قطاوتي) نام لين المغرب يوم اللي سافرت .. فقدها الثور

حتى انتوا بعد بعظكم يمكن يكون زعل عليها ..

....

وخلصت قصة ماريا .. مثل ما وعدتكم راح تلاقون تحت صورة جماعية لنا وياها بالعرس

ومثل ما وعدتكم بعد السنة الماظية ..

راح اكتب لكم قصة الاخ صالحة مع عماد حمدي أول ما ترجع مع ولدها من سفرة علاجه بالسلامه

انشالله ماكون عورت راسكم .. ودمتم

صورة العرس

ولا الملعونه لاطخة ويها بجبس آنا أول ما دخلت علبالي كاسبر بس اختي قالت لي لا هذي اهي ماريا