2 أفا يا شيخ

!!وهذي آخرتها

مو قلناها .. أفا يا شيخ

هذي آخرة إن الكويت تكون حكيمه

هذا آخرة إن الكويت دايما تراعي الجيرة

Jibla Square أخوي

إحنا من بعد الغزو واحنا عايشين بغلاية .. على الصعيد المحلي وفي محيط المنطقة

إي إستقرار إنت تتكلم عنه؟ ترى محنا شايفين الإستقرار لين يوم الدين هذا آنا أقولها والأيام بتذكرك بكلامي .. إن ييت داخليا فالحمدلله والشكر طقني وأطقك .. وإن ييت تشوف محيط المنطقة ومن حولنا فالهم لا شماته الشمال الله حط حيلهم بينهم وهالإرهابيين كل يوم مسويلهم تهويشه .. وإخوانا العرب كل كلمه والثانية قالوا مؤامره ضدنا وهم اللي قاعدين يطعنون بعظهم البعظ ... إذا ما بديت من الحين أعزز من كياني وقدراتي العسكرية وأتباهى فيها جدامهم .. فصدقني تطاولهم بيزيد .. يا أخي اعتبرها تراي حق أسلحتنا .. أحسن علشان لما إيون الفجر في يوم أسود ويكون واحد من جيران الشمال الحلوين حاشد علينا وأيي جيشنا بيدق دباباتنا ولا سفننا العسكرية سلف ما يلاقونها معطبه

وإذا بترجع شريط حياتك إن كنت توعى بأيام الغزو؟ فأكيد راح تشوف نفسك مثل ما كان كل كويتي قلبه وكيانه معلق بأمل تحرير أرظنا .. كنا نتيمع حول الراديو أو التلفزيون ونشوف ربعنا المسلمين يحذفون فينا يمين ويسار وعلى العكس تماما كانوا المسيحيين والكفار هم اللي ينددون ويشاوطون علشانا

آنا ما اتنكر من دور السياسة في كل شي من حولنا .. لاكن إذا كانت السياسة هذي ناتجها أمن وأمان حقي وحق أهلي وديرتي .. فياحلوها على قلبي

إي نعم الله سخر لي هالكفار .. لأنه وفي يومنا هذا لو بتطيح ديرتي الله لايقوله باللي طاحت فيه بالغزو فصدقني مالي غير رب العالمين اللي بيوقف هالكفار يمي لأن اللي يبغظوني من العرب والمسلمين وايد وناطرين هاليوم علشان ينهشوني

والله يحفظج ياكويت