وكأن التاريخ يعيد نفسه !! بس هالمره مع جار ثاني .. جار من العيار النووي
عنبوكم التهديدات عينك عينك .. فتحوا عيونكم لا تودونا بداهية أدهى وأمر من اللي طافت
مادري شقول بس الله يحفظ هالبلد .. قلنا نستعرظ عظلاتنا شوي جدامهم علشان يحسبون لنا حساب
بس إذا تكلانا عليكم .. بالعون محد راح يحترمنا ويحسب لنا حساب
إي لا .. الكويت من زمان حكيمه وسميحة ولميعة وإن بغيتوا نظيمه نصير لكم نظيمه يبا
إنت بس الله يخليك بابا إيراني وخر مفائل نووي مال انت مناك شوي علشان آنا في سغير أتفال وايد موجوده في أرز مال كويت هرام يموت إهيا
ويرجع التاريخ يعيد نفسة
بس هالمره مع جار من نوع آخر
جار مقدرته العسكرية تفوق مقدرة سابقة (العراق) بكثير
هذا الجار الذي دأب على تعزيز قدراته الفردية ليحقق بذلك شبكة عنكبوتية متشعبة لا يدرك مداها إلا الله سبحانه
يعني بالكويتي العامي عايشين بينا ومحسوبين علينا وياكلون أكلنا وصاروا في بلدنا أحسن منا إذا ما تدرون
لا وبعد عندهم الأولى !! الأوووولى عرفتوها؟
كما يجب أن لا ننسى أن لهذا الجار أصدقاء منتشرين حول العالم (مكشوفين ومتخفين) مناصرين لذلك النظام المحمظ وبايعينها .. وأقرب مثال على ذلك أحداث لبنان الأخيرة .. حرقوا البلد فداءا لسماحة ملاليهم وسادتهم
سبحان من سخر لنا هالمسيحيين (أمريكا) ولا جان إحنا من زمااان في خبر كان
بسنا ... والله ما عاد لنا هيبة ولا محسوبية
متى نشوف إن لديرتنا قيمة وإن قيمتها ما لها عدال
متى نتم نرظي فلان وعلان على حساب أمن هالأرظ وشعبها
ما بيدنا إلا نقول الله يحفظ ديرتنا
ويسخر لها من يقدر ترابها ويحميها من كل شر
ترى البني آدم بدون أرض وبيت ماله قيمه
وتجربة الغزو خير درس لازم ما ننساه
وإحنا برقابكم لين يوم الدين
الله يحفظج يا كويت
5 comments:
:: موضوع ممتاز ... و يكفي أقول
عمك أصمخ
ماني عارف ليش مستغرب من إنسحاب الكويت من المناورات .. لأن لايخفي على أحد سياسة دولة الكويت غير التصادمية.. خصوصاً مع إيران التي تعتبر من الدول المهمة إقليمياً..والتصادم معها سيكلف الكويت و المنطقة غالياً ..
والحكومة رخت الحبل هذه المرة .. لكن في المرة القادمة سوف تشارك .. بس في توقيت يكون فيه إستقرار بالمنطقة ..
.. بس ماتعتقد إنك بالغت شوي بقولك إن الله سخر الأمريكان لنا ؟ ماتعتقد إن السياسة أكثر تعقيداً من إعتقاداتك ؟
وشكراً على البوست والله يعطيك العافية :)
هاذى الكويت صل على النبى معودينا حكامنا الافاضل وحكومتنا الرشيده على ان لازم انطاطى راسنا حق اللى اضعف منا قبل الاقوى كل هذا بحجة انهم ما يبون يزعلون احد اشوف احنا اذا زعلنا محد يهمة لكن زعلهم غالى علينا لهذا تلاقى محد يحترم الكويت او المواطن الكويتى حكومتنا الدايخة عفوا الرشيده تجهل ان احترام الغير لها ما اييى بالتنازل عن حقوقها الاحترام اييى بالفرض وما اعتقد ان لو راديين عليهم بان المناورات ستقوم على الاراضى الكويتية ومياها الاقليمية وان مافيها اى تعدى على سياده اى دولة ولا فيها اى استفزاز وهذا ابسط حق من حقوقنا كدولة لكن للاسف ما اتعضوا من الصار لنا وماراح يتعضون وراح يستمرون بنفس سياستهم اللى ودرتنا فى 2 / 8 / 1990 والخاسر الاكبر اهو الشعب المغلوب على امره واللة يحفظ الكويت واللهم لاتؤاخذنا على ما فعلة السفهاء منا
عرفتوا ليش يسمونا طوفة هبيطة
ياخي حبيتك على هالكلام
المشكلة عندنا المجاملة مع الي يسوى و الي ما يسوى اهو الي عافسنا و من صندوق التنمية او ماي سبيل العرب لغاية ماينا و نفطنا و كهربتنا الي نقصر فيها علينا و نعطي الغير
الراس العود عاجبه يكون عود بروحه و الكويتيين الظاهر مو في حسبته
الله يرحمنا برحمته
إرسال تعليق