هريسه ورمظان

:) هذي قطوتي هريسه

والأخت مسببتلي مشكلة مع الخدام من بدأ شهر رمظان .. قبل شوي أدورها بالبيت مادري وين منخشه ... ناديت الخدام قلت لهم ييبوا لي هريسة !! الفطينة هنديتنا شاقلة لي صينية فيها باجي هريسة فطور اليوم !! ذاك اليوم أقول لها بتفطر برة عند جماعة من أهلنا وطلبت منها إتطرش لي الهريسة هناك تسألني

To Send her with Harry or Alone?

!!هاري أهو القطو مالي بعد!!

كانت بتطرش لي قطاوتي لين بيت الناس

:) هذا هاري يخزني كان منيشن على إيدي بيعظها

إحنا بالبيت نشك إن هاري أبوه ذيب لأنه تالفنا بالعظ وذاك اليوم أقول حق الوالده ترى هاري حصني .. جان تزعل .. ما ترظى عليه وترد على الوالدة تقول الحصني بوزه طويل هذا بوزه مو طويل !! تفظلوا .. لا وإتوصف لي الحصني حلوة اللبن

المهم هالموظوع تكرر وايد وشكله بيتم يتكرر لين يخلص رمظان ... لأني أحب الهريسه فسميت قطوتي بهالإسم ... وراح أفقد الهريسة وايد ... باجي أقل من 10 أيام ويخلص الشهر الفظيل .. ونقطع عاداته الحلوه .. ونرجع للروتين وننقطع عن هالأكلات الطيبة لا وأكثر شي بنفقده مسلسل الإمبراطورة .. كل ليلة نشوف مفاجأه من النوع الثقيل بهالمسلسل .. راح توحشني براطم شيماء وهدب شسمها هذي اللي جنها لقيمات ؟؟!! إي منى عبدالمجيد .. راح افقد تتفل مشاري البلام وملاقة ملّوكه .. راح أفقد ثقالة طينة إبراهيم الحربي وثوالة هذول اللي دايمه يحرسونه بالمسلسل .. راح أفقد الدعايات وأهمهم دعاية ال إم تي سي مالت البغبغاء ودعايات عطور محمود سعيد ودعاية عجلان وإخوانه للأشمقة ثقات وأقمشة كاكولي من كشخته الناس حبتة وخصوصا لما وقف في معلب الجولف.. وبفقد دعاية أطياب المرشود .. راح أفقد وايد أشياء منها نفانيف حليمه بولند وتسريحاتها وتنهوصها وراح أفقد كرش الحريتي وظحكة سن سعود الشويعي .. إي والله بفقد أشياء وايد بس انشالله الله يعودنا وياكم السنين الياية ونشوف نجومنا وفنانينا الكويتيين الواعدين في أعمال أتحف وأتحف

كل عام وانتوا بخير وعساكم تصومونه وكل سنة وتعودونه

:) عاد صوموه .. مو تسوون مثلي