!! يا أهل الكويت ترى بوهبيل كظوه
كما هي جرت العادة .. اطل في موبايلي أول ما أصحى من النوم أقرأ مسجاتي وأشوف منهو من المزعجين اللي متصلين فيني وآنا بإجازتي أحلم أحلامي الوردية المعتاده!! وكانت وحدة من المسجات اللي يتني هالمسج اللي تشوفونها طال عمركم بأول الصورة !! الإمارات سلمت تاجر المخدرات علي بو هبيل الفار من السجن منذ عام
1997
لفت إنتباهي الإسم أول شي .. وقلت ما عندنا بالكويت عايله بو هبيل !! وبعدين جان أتذكر .. أووه تعال توهم مجنسين كود من هالحبربش .. إي الحين بالكويت كل شي جايز بو هبيل .. بو خبيل .. بو ثوير .. بو تويس .. إن بغيتو بو بقر هم عندنا
رجعت بذاكرتي لين 1997 وقلت إي جني تذكرته .. بو هبيل إي تذكرته .. مع العلم إني تذكرت معاه وايد سمعنا إنهم إنحاشوا .. بس أظنتي هذا كان زعيم بزمانه وراهي .. علشان جذيه الموظوع وصل إيران
وبعدها بشوي يابتلي ماريا هنديتنا جرايد اليوم أطل فيها ولا الريال لا بو هبيل ولا شي .. أثاريه بو حبيل .. سلط الله علي إبليسهم هاللبنانيين إللي ينقلون لنا أخبارنا بالمسجات .. تلاقونه ناقل الخبر من موقع ولا جريدة أجنبية ومطرشه لنا .. والله شكيت وقلت عندنا كل شي بس بو هبيل؟ ما مرت علي هالعايله
أوصيكم يا رجال الأمن بديرتي .. عاد دام إنه وصل بالسلامه .. وجزاهم الله عنا ألف خير أهل الإمارات .. صادووه ورجعوه .. مو تفشلونا وينحاش مره ثانيه .. بسنا عاد والله قصيتوا ويوهنا .. العالم تصيد لكم بهالمجرمين والإرهابيين ولما يسلمونكم إياهم يا تنحشونهم يا تفرجون عنهم بالعيد الوطني .. ما صارت
عنبوكم ما تقرون جرايد؟ صارت أرظ الكويت الطاهرة مرتع للمجرمين وظعيفين النفوس .. أخبار الفساد تارسه الصحف والمتردية والنطيحة تعبث وانتو الله بالخير
بس تعبت وعورني قلبي
وشكرا
بن عاقول
2 comments:
القبس 3/10/2006
أحد النواب تدخل فأطلق سراحه بعد ساعة!
مواد مخدرة وسلاح ناري مع نقيب في المطافئ
كتب المحرر الأمني:ضبط رجال أمن الجهراء مساء أمس الأول مواطنا برتبة نقيب في الإدارة العامة للإطفاء، بتهمة حيازة مواد مخدرة وسلاح ناري.وقال مصدر أمني إن رجال الأمن تمكنوا من ضبط المواطن بعدما ساورتهم الشكوك أثناء قيادته لمركبته مشيرا إلى أنه بعد ضبطه تدخل عضو مجلس أمة متوسطا لإطلاق سراحه، من دون تسجيل قضية ضده، لافتا إلى أنه بعد تدخل النائب بساعة تم إطلاق سراحه
( هذول النواب اللى جنسوهم وهذى افعالهم)
راحت رياييل تنطح الدروازة و بقت رياييل المطنزه و العازه
I'm not sure of the "mathaaal"
bs ma bogaa reyayeeeeel bil Kuwait yekhafoooon 3ala il deeeera mithil awal :( 7asafaaaaaaa 3alaich ya il Kuwait
إرسال تعليق